24

Palu di sia blanku

Bursera karsteniana

Den tempu di sekura, e palu no solamente ta laga tur su blachinan kai pa kombatí evaporashon di awa, pero e palu tin tambe klorofil den e kaska di su tronkon. Dor di esei tòg foto síntesis por tuma lugá, maske na e momentu ei e palu no tin blachi. E palu aki ta forma parti di un famia ku ta aparesé hopi den mondi será, esta tin tambe un variante kòrá i un primu: e takamahak.