24a

Takamahak

Bursera tomentosa
E ehemplar aki ta èkstra speshal pa e kaminda ku e la disidí di krese, un bon ehèmpel di ki klase di kondishon e mata aki por krese aden. E palu aki ta di e mesun famia ku Palu di sia blanku. Nan tin un miembro di famia mas tambe, Palu di sia kòrá. Tur e palunan di e famia aki ta laga nan blachi kai asina temporada di awa pasa. Takamahak tin blachi totalmente otro, kompará ku e otro palunan di e famia aki.